L – Iskola

• “Huwa permezz tat-tagħlim tal-mużika li ħafna qlub żgħar jitgħallmu x’inhi mħabba.”

– Domenique Richard

Imwaqqfa fl-1975 bħala l-Iskola tal-Mużika Johann Strauss, l-Iskola tal-Mużika f’Malta, li oriġinarjament kienet tinsab fi Triq l-Ifran il-Belt Valletta, hija waħda mill-iskejjel statali l-aktar effettivi fil-prestazzjoni tal-mużika u fil-qasam artistiku. Matul is-snin eluf ta’ studenti attendew lezzjonijiet fil-mużika u bosta minnhom komplew bl-istudji tagħhom ’l-bogħod minn xtutna. Illum il-ġurnata l-Iskola tal-Mużika f’Malta tinstab fil-bini ċentrali li għadu kemm ġie rranġat, ġewwa l-Ħamrun.

Fl-iskola tal-Mużika f’Malta nsibu wħud mill-aqwa mużiċisti u għalliema magħrufin f’Malta li jirsistu sabiex jgħinu lill-istudenti kollha sabiex jakkwistaw l-ogħla potenzjal tagħhom fl-apprezzament tal-mużika, fl-għarfien u l-fehim tal-mużika, fil-kompożizzjoni, fil-prestazzjoni u fil-bandita mużikali permezz ta’ programmi u opportunitajiet mużikali. L-Iskola tal-Mużika toffri ’l fuq minn 40 kors differenti kemm lill-istudenti ż-żgħar kif ukoll lil dak l-iktar avvanzat. L-istudenti fl-iskola, kull ġimgħa jattendu lezzjoni prattika fil-mużika fuq l-istrument tal-għażla tagħhom, kif ukoll lezzjoni fl- għarfien u fehim tal-mużika.

L-istudenti ż-żgħar tagħna, jibdew bit-taħriġ mużikali, permezz ta’ mużika u moviment maħsub b’mod speċjali, li jipprovdu bażi soda għas-snin li jkunu ġejjin. L-iskola toffri tista’ tgħid studji ta’ prattikament l-istrumenti orkestrali kollha bħalma huma l-bagpipe, l-akkordjin, is-saxophone, il-kitarra kontemporanja, fil-vuċi kontemporanja, l-kitarra baxxa, l-pjanuforte u l-vuċi klassika. Barra milli jaħdmu fuq l-istudju tar-reportorju kunċertistiku, l-istudenti ikunu inkoraġġati jaħdmu fuq stili varji li jinkludu dak li hu kontemporanju u dak li hu jazz u li jaħdmu fuq xogħolijiet ta’ kompożituri lokali.

L-Iskola tal-Mużika f’Malta tirrispetta u tagħti valur lill-ħidma ta’ kull student, waqt li toffri programmi individwali u akkreditati sal-Livell 5 tal- MQF level 5 (L-Ogħla Diploma), il-kisba tal-għarfien u t-tagħlim permezz tal-esperjenza.